30
Sun, Aug
138 New Articles

Top Stories

Grid List

The United Nations World Food Programme (WFP) nih kokek hartuar minung 400,000 lengkai hna sinah bawmhnak a pek. Tilian le leimin ruangah kekal lawngin phakkhawhnak hmun hna le a dangmi hartuar 400,000 lengkai hna sinah rawl, peti, chiti le cite heiti hna in bawmhnak an pek hna tiah an chim.

August thla thokka in Kawlram chungah  furpi ruah tam ruangah tilian le leimin nih  a hnorsuanmi hna le hartuar hi 1.7 million lengkai an si.
Cucaah hi hartuar van zuanhnawhnak hna ding ahcun phaisa dih pah ko.  A  rianrannak le a tlacop in riantuannak le duhherhhai hmanh ahhin $12.3 million a herh lai tiah, WFP nih a chim.

August thla detka  tutiang ah Emergency Relief Efforts hna nih rawl tun 2,500 hartuar caah an kuat cang tiah, WFP nih a chim.

Hiti bantukin puicimhnak le taamhaalnak kan tonmi ahhin WFP nih a sikhawh chungin a cawlcang i tirawl le zei dangdang hna in Kawlram cozah a bawmh i a dirkamh tiah, WFP Country  Director Don Scalpelli nih a chim. Hi thil kan tuahmi ah phaisa kawlhawlnak ah siseh kan cawlcanghnak kip ah thazaang a chuah i zaanghlei a kan cawipitu kan hawile nan dihlak cungah lunglomhnak chim cawk lo ka ngei. Nanmah thawngin thil kalning  a tluang i a tlamtling tiah lunglomhnakbia zong a chim.

September thla thokin, World Food Programme (WFP), UN organizations le Non-governmental Organizations (NGOs) hna le  a dangdang organizations hna nih cozah he i bawm in kokek hartuarmi 440,000 lengkai hna sin kutsamh an itim.

Amah belte, cikkhat chungte cu sianginn ah din-ei in bawmhnak, naupawi liomi bawmhchanhnak, cun HIV le TB zawtnak a ngeimi hna bawmhnak tuahmi kha Emergency nih ngolta chung dingin WFP nih a fial hna.

Hiti bantukin kokek hartuar hna caah tiin dawtnak le zawnruahnak he kut a samhmi hna ram hi; Australia, Canada, Czech Republic, Denmark, European Union, Germany, Japan, Myanmar, New Zealand, Norway, Switzerland, United Kingdom, United States, Japan Association for WFP, Mizoram, Bangladesh, China, India, UN Central Emergency Response Fund...le a dangdang ram hna an si.

August 18, 2015: Ciankhanye party chung buainaknak hluttaw chung nan rak luhpi lai lo tiah August 18 pyituh hluttaw meeting lioah Thura Shwe Mann nih ralrin a pek hna.

Party president sinak in an ka phuahnak kong tlawmte fianter ka duh. August 13 ah U Htay Oo le keimah min khenh in ca ka sin a phan.

Ca an ka pekmi chungah an tialmi cu party hruaitu hna chungah thinlung thencheunak a um, party chungah democracy rimhai a nam lo i, party president nih pakhat lawng ruahnak in biachahnak a tuah.

Phunghrampi a zulh lo, party nih a ngeihmi phaisa zong zapi theih loin a hmang, aa zuamnak thimfung petu cheukhat nih report a si caah party huham a zor ter.

A ra laimi thimnak ah hlawhtlinnak donkhantu a si lai lai timi hna aa tel tiah Thura Shwe Mann nih a ti. Hi an tialmi vialte hi pakhat hmanh ka tuah mi a um lo ti zong a chimchih.

Ciankhanye party buaibainak kongah mipi thinphan in um cio a si, um awk a si ko. Asinain tulio party buainak hi hluttaw chung nan luhpi lai lo a ti. (Cc: RFA/VOA)

Kawlram chung furpi tilian le leimin ruangah hartuarmi hi1.5 million an si. Hi hna bawmhchanhnak ah International Federation of Red Cross and Red Crescent Societies (IFRC) nih hmalak an itim. Tu zong hi IFRC Emergency Appeal nih minung 100,000 sin ah bawmhnak pek an i tim.

Kan tonmi puicimhnak hi tituk kaw kan harning hi a zualhma ngai ko, caan zeimaw chung hi cu kan chaihma pah ko rih lai an ti tiah, New Zealand Red Cross Secretary General Tony Paine nih a chim.

Cheukhat rual cu zapi dornak hmun in an inn le lo ah an kir than nain tam u cu vansangau le ngaihchia ngai in an um ko rih.

August 16, 2015: 2015 thimnak ah aa zuam dingmi minung 6189 an si. Party 90 nih aa zuam dingmi min pek a si i, NLD in 1151 an si caah a tam bik an si tiah thimnak commission lei nih an chim.

Ciankhanye party in aa zuam ding 1143 an si. Pumpak in aa zuam dingmi 323 an si. Min pek ciami hnawh than duh ahcun August 17 tiang caan pek an si i, pyitaungsuh thimnak commissin nih minung chekhlainak cu August 18 in 27 kar ah tuah a si lai.

Tutan thimnak ah aa zuam ding minung 6000 hi rithar an chiah, 1990 thimnak a lutmi minung 2000 le 2010 ah minung 3000 an si. (Cc: DVB)

Kawlram chung kokek rallian tilian le leimin ruangah puicimh hartuarmi hna caah, The Siam Commercial Bank nih US$100,000 bawmhnak a hlut.

Hi bawmhchanhnak hi Daw Khin Saw Oo, Deputy Governor of the Central Bank of Myanmar sinah Siam Commercial Bank Chairman of the Executive Committee Dr Vichit Suraphongchai nih kutcung humhnaka ngeih tiah, SCB thawngzamh cathluan ah ai tial.

Hi bawmhnak hi Kawlram chung, furpi litian le leimin ruang i hartuarmi hna caah timi a si i, Ministry of Social Welfare Relief and Resettlement nih an tawlrel lai.

Kawlram chung kokek hartuar hna caah No.111-3-90911-5 Siam Commercial Foundation-SCB Relief for Natural Disaster Victims account min hmangin nan kut nan raksamh cio i, bawmhchanhnak ah thazaang nan rak chuah cio naklai kan in sawm hna tiah an chimchih.

Cun hi bawmhnak kong he pehtlai in SCB branch or SCB ATM tangka laknak free in hman khawh si lai. Bawmhchanhnak caah pekmi/khonmi cu Bank nih a tikcu le caan zat in a chuah lai i Thai Red Cross Society sin ah a kuat lai cun annih Myanmar Red Cross sin ah a herhningin hman dingah an kuat ve lai.

Myanmar Cozah nawlngeitu lakah Lutlai number 4nk Thura Shwe Mann, USDP Chairman le Speaker of Parliament cu nihin zing ah an tleih i, USDP chairman sinak in an chuah.

# A ralai mi September 9 ah Tlangcung mi hriamtlai phu hruituzik hna le cozah lei hruaitu lubik president le commander-in-chief Min Aung Hlaing hna telh in Napyataw ah tonnak an ngei lai tiah RFA nih a tial. NCA kong an i ceih lai tiah theih a si.

Abuja: Nigeria ram Khrihfa biakinn kharpiak an si. Hiti kharpiak an si hi, pumhnak in Pathian thangthatnak an ngeih fatin te hna an chet tuk, kan lu an ri i kan lungte khom zong a fim loh tiah nawlngeitu hna sin ah um awk hngal loin an va chim rel lengmang a si tikah Lagos khuapi biakinn hna cu kharpiak, pumhnak in Pathian thangthatnak caan hmangti lo dingin ralrin pek an si tiah, nawlngeitu hna nih cun an chim.

The Chaotic Megacity’s Environmental Protection Department nih hi thil kan tuahnak cu lungfimlo in phone call kan dong i phunzai le chimrel a tam tuk ruangah a si. Cucaah cawnnithumni ah 22 kan kharpiak hna an ti tiah, local newspaper nih a tial.

Jesus Our Lord Divine Catholic Prayer Ministry timi biakinn pawng um nihcun, kan lungte khom zong hi a fim loh. Hna an chet tuk, kan lu an ri. Hnahnawhnak a kan petu hi a bikin, naupawi lio nu pawl, fasem changka nu pawl hna le an fale hna an si tiah a chim.

Lagos State Environmental Protection Agency hoatu, Adebola Shabi nih nikhat ah voi 20 tangtum lo ka phone ah SMS a lut tiah a chim.

Tu hnu kum 5 chungah biaknak lei kongah upadi/phungphai a um hlei lo ahcun buaibainak lianpi zong a chuak te kho mi a si.

An ringawn tummi siseh, an mawtaw beep tummi siseh, miset sanseh (generato engines) an hmanmi thawng siseh, an loudspeaker thawng le thawngthabia an chimmi thawng theih hi a vuai in kan vuai, kan cim cikcek ko cang tiah, nawlngeitu hna sin ah an pawngkam um minung an phunzai.

Zung riantuan hna nih Khrihfami hna hnacheh le rihaw hi kan celh bak ti lo, kan ing kho ti lo tiah a rak kan call mi hi, nikhat ah 50 thlermar kan dong; cun voi 20 lengmang hi SMS kan dong fawn an ti tiah, New Telegraph nih a chim ve.

A ni nichiar rumro hna nih tlumlo tiangin chimrel le tlokciar a si tikah, inn 33 hi kharpiak an si cang, sinain inn 55 hi kharpiak an haute lai tiah, Shabi nih reporters sin ah a chim.

Sinain tuchun ni ah inn 22 kharpiak an sinak approve lawng pek a si rih.

Hi vialte kharpiakmi hna biakinn hmanthan le on than an duh ahcun, $250,225 an pek hau lai tiah, Shabi nih a chimchap.

Canberra: Sianginn ah cachim Australia nu pakhat cu thla 8 chung kum 14 a si mi a siangngakchiapa lemsoi buin nupa sualnak (sex) a tuahpi ruangah tuchun (cawnnilini) ah thongah an thlak.

Kum 27 a si mi, sianginn cachim sayamah nu hi, kumtling lo a sualpi lawng si lo in, thil dang tete zong ah sualpuh a si. Cucaah kum 6 le a cheu chung Queenland thonginn ah thlak ding tiah beiceihpiak a si tiah, Xinhua news agency nihcun a chim.

Sayamah nu nih a lemsoimi hi an sianginn ah rinhchanhmi le bochan ngaingaimi, cathiam le mi leklak zong a si. Hiti a lemsoi hi 2011, kum 7 chung a komhmi nih a then hnu in a umhar celh lo hnabei dongh tuk ah kum 23 a si lio in a rak lemsoi cang tiah, Brisbane District Court nih cawnnilini ah a chim.

Hi hna pahnih hi tu le tu in mawtaw phen, sayamah inn hei ti le cacawn thok hlan deuh ah park chung lamkam hna ah an vai i nuam tawn (sex).

Nu nih tlangvalpa soilemnak ah iPhone l iPad hei ti hna hi laksawng ah a pek. Cun zu le kaanya (sechoh) hei ti hna hi a duh chung paoh cu a dangh peng tiah an chim.

Hiti an tlaih hnu in, hi thil ka tuahmi hi a poi taktak si. Ka ningzah ning le mihmai ka khah loning hi hmurka in chim awk a tha lo. Ka ning a zak taktak si tiah ca a tial i cu ca zong cu biaceih zung ah rel a si.

Tlangvalpa a nu nih hi bantuk thil sual a fapa nih a tuahmi hi a hngalh hrim a hngal lo. Cawnpiaktu an sayate sin ah cacawn le ca ciah in a ummi ah a ruah.

Kum le caan, ni le thla a hung liam ziahmah i, 2012 ah an i duhdawtnak meifar ceu zong muih hram a hung i thok thliahmah ve. Cutikah tlangvalpa nih cun a celh ti lo i hringtu a nu sin ah a sining cang cu a chimh dih. Cu hnu lawnglawng ah a nu nih a fapa nunzia taktak cu a hngalh.

Hi kong he pehtlai in cachim nu nihhin a chimhmi sianghngakchia dang cu hohmanh chimhruah lo dingin ralrin a pek hna tiah an chim.

Sinain hrokhrol a si mi le lihbia cu tlangpar in an au an ti bang, an sining cang cu a puah bakin a hung puah tikah, sihni Paul Smith nih kum 6 le cheu thongtla dingin bia a khiahpiak tiah, ABC news nih a tar.

Tulio internet chung video pakhat a lar ngaimi cu ngakchia nute pakhat nih ngakchia pate pakhat cu tu le tu in na ka thit lai tiah a ti i, ngakchiapate nih a duh lo tuk ah tah-ai in a ai le a khuan nak video a si.

Hiti an i alnak video hi ngakchiapate a nu nih Facebook ah a hun tar.

Ngakchia nute nih ngakchia pate cu nan ka thit lai tiah a ti bak cun rilchuah kiao in a kiao i a tap thluahmah colh. Sinain ngakchia nute zong nihcun a tap tuk ne ai le ti’n zaangfahnak ngei hlei hlah, nan duh zong duh lo zong ah na ka thit thiamthiam lai i nuva kan si thotho lai tiah a nolh chih rih.

Cun ngakchia nute nih cun tap lo khan rak ka zoh ta law kan chimh dingmi bia hi ka ngaihpiak tiah a ti. Sinain ngakchia pate nih cun  a ngai hlei lo. Na hai ka zoh duh lo le tha ko. Nain hihi thei ko. Kan vat thiamthiam lai. Na ka thit thiamthiam lai tiah a ti chih tho.

Ngakchia tete an si ko nain hi an i aukhuannak le bia alnak zoh ahhin nih a chuak i khuaruah zong a tamter. Mi tampi nih zoh zong an duh ngaingai.

Note: Ngakchia tete a simi hmanh nih thitumh kong chim an ha thling a za ti lo i, an hmulthi ling lo. Hi chan hi kan phan cang. Cucaah tutan ah kan van thlahmi ca hi huaha lo le rel tlak  lo si ti lo tein, u le pa u le nau hna nih kan fa kan nau le hna hna hi nunzia dawh he Khrih lei ah kartu kan hlanpi khawhnak hnahnga thazaangpetu a si tinak leitu in nan kan charpiak i nan kan ruahpiaknak lai kan in nawl hna).

Vawlei cungah biaknak pipa (Major Religions) pali a um. Cu hna cu Christianity, Hinduism, Muslim le Buddhism hna an si. Cun a dangdang biaknak fa tete zong a tampi ve. Cu lak ah atu bantuk in India minung cheukhat hna nih zeihmanh zumhlo in a ummi minung 2.87 million an phak hi a si tiah the times of India nih a tial.

Tuluk palik nih tu thla chung Tianjin khuapi ah minung 139 nunnak tiang a liampitu le rawhralhnak tampi tiang a chuahpitu an i tel ve tiah lunghrinhmi hna 12 an tlaih cang hna tiah, Xinhua news nih cawnnilini ah a tar.

Tlaihmi hna lakah, Rui Hai International Logistics Company ngeitu, vice chairman le Deputy General Managers 3 hna zong an i tel tiah palik nih an chim.

Tutiang minung 500 lengkai hna cu sii-inn ah thlopbul in an um. 

Hi bomb a puakmi khuvai nih 15 million umnak hmunhma dinti le thli thiang hna zong hna a thurhnawmhter caah minung caah tihnung a si tiah an chim.

Hi kong he pehtlai in Communist lutlai hna le Media hna nih hlathlainak an tuah cuahmah lio a si tiah, nawlngeitu hna nih an chim.

The Chin Star A Rel Liomi

We have 28 guests and no members online

Weather

Washington United States Cloudy, 80 °F
Current Conditions
Sunrise: 6:33 am   |   Sunset: 7:40 pm
64%     10.0 mph     1.019 bar
Forecast
Sun Low: 74 °F High: 91 °F
Mon Low: 72 °F High: 91 °F
Tue Low: 74 °F High: 94 °F
Wed Low: 73 °F High: 94 °F
Thu Low: 73 °F High: 93 °F
Advertisement

Top Stories

Grid List

Brazil Star tiah world Cup ah min lartak mi Neymar cu Barcelona in Manchester United ah aa thialkhawh men tiah the times of India nih a tial. Aa thial te taktak le tak lo hi tu hnu next summer hrawngah khin aa fiangte lai tiah theih a si.

Vawleicung pumpalulh chuih hmaikal minthang C. Ronaldo nih Australia model Latina cu a helh nain Latina nih Ronaldo bia a hnon.

Latina hi Australia model zuamnak ah pahnihnak a hmu mi a si i, Ronaldo nih onlinE in a helh hi a si. C. Ronaldo nih eksisai a tuah lio hmanthlak le phone number a hal hi a si.

Nain Latina nih tlangval ka ngei cang, ka tlangval nih hi bantuk hi a duh lai lo tiah mail a kuat than.

C. Ronaldo nih ngol aa tim lo, a hohman nih an theih lai lo dakaw a ti tiah Mirror nih a tial.

A luancia July thla chungah Man City le Real Madrid hna cu Australia Melbourne an chuih i, cu lio tiket Ronaldo nih pek a timh nain nungak nu nih tlangval ka ngei cang tiah Ronaldo tiket cu a cohlang lo. (Cc: Planet Myanmar)

Advertisement / The Chin Star

Advertisement