05
Sun, Jul
292 New Articles

Top Stories

Grid List

Tlangcungmi hriamtlai pawl le a cozah pawl naite i hnatlaknak (lethmat) minthut mi NCA kahdeihnak /lungtlin hnatlaknak (Muchian) remh duh lonak kong Pyi Tuang Suh deihnak a kawltu le rian ttuantu Committee Duh Auhkatthah Vunci U Aung Min nih tu ni ah a chim. Nawsiphuzasin nih a hruaimi tlangcungmi hriamtlai bu pawl Rampi kahdeihnak bu he aa pehtlaimi iceihhmainak bu he Vunci U Aung Min a hruaimi bu he Thailand ram Chinmya Myo ah a tu zing ah tawnnak an ngei i Vunci nih hitibantuk in a rak chim.

Official Development Assistance (ODA) caah Japan nih Kawlram cu $ 284 million a cawih hna lai, tiah cozah media Global New Light nih a tial. Hi phaisa sa cawihnak caah cawn nihnih ni ah khan kaphnih hnatlaknak min zong Naypidaw ah an thut cang, tiah theih a si.
 
Hi phaisa hi Rengon khuapi mei (electric) peknak ca, Thilawa Special Economic Zone inn saknak ca le a dang dang rian tuannak caah hman a si lai, tiah theih a si.

Nihin June 30, 2015 ah sunglawi ngai in, Australia Chin Community nih Office thar Onnak an tuah. ACC office thar onnak cu an umnak khua, Maroondah City Council Mayor Tony Dib nih a tuah piak hna. Chin ram lei in MP Pu Thang Thai zong nih a telpi hna.

Vawlei cungpi ah a lar taktak mi U.S chuak KFC dawr cu June, 2015 ah Kawlram ah a voikhatnak on a si ve cang, tiah DPA International nih a tial. Atu an on mi hi, Rengon khua laicer Bogyoke Aung San Road ah a si i minung 240 thutnak in tuah a si, tiah theih a si.

Cozah ralkap nih Kokang ralkap an tuk hna lio i Tuluk ram chung lei ah voi tampi bomb a tlakter i Tuluk lothlo minung 4 nunnak zong an rak hliam ruang ah, Kawl cozah air force lutlai pakhat an phuah, tiah Voive of America nih a tial.

Chin Youth Organization of North America nih, ‘Chin Person of The Year 2015′ caah Pu Zing Cung Secretary General, CNF an thim tiah theih a si. Tahfung panga hmangin thimnak hi an tuah ti a si.2015 thimnak ah maivan cungin thimfung thlak a si i, zapi thimfung thlatu minung 1,538 an si tiah CYONA rian khinhmi thimnak committee nih June 29 ah a thanh.

India ram chung Bihar ramthen ah sianginn ca chimtu saya/sayamah minung 14,00 tluk nih an rian an chuahtak/dintak tiah the times of India nih a tial. Hi hna pawl nih an rian an chuahtak nak bik a ruang cu degree tha te in a ngei lo mi an si i Bihar’s Education System lei in phungningte in kerhhlainak tuah an rak timh i tleih in thongthlak khawh an si mi tih ruangah a si bik tiah sianginn lei rianngeitu bik lak ah aa tel ve mi Vinodanand Jha nih a chim.

Hi bantuk in state cozah nih saya/sayamah pakhat a si mi nih an thiamhngading tiah chiahpiak mi (Quality) a tlinhlo mi hi saya/sayamah te 4,000 nak tam a si lai tiah an state i fimcawnnak lei he pehtlai in an bia chimtu pa Amit Kumar nih cun a zumh i hi kerhhlainak hi July 9 tiangah fiangte in thanhkhawh kan zuam lai tiah a chim. A mah te in aa phuakhngading mi hi tamlak te an um rih tiah a peh.

Court zong nih ralrinnak hi ti hin a pek hna a tu bantuk in sianghleirun a dihnak certificate original a ngei lo mi poahpoah cu tlei in thong thlak dih ding tiah a ti ve hna. Cu hlei ah a tu bantuk in fimthiamnak a ngei tak tak lo mi hna nih an kan fanau le hna fimnak an chimh hna lai mi hi cu a ralai mi can ah kan mah caah rap kan i chiah a si tiah tlerhnak le lungtlin lonak a phunphun in chim ve a si.

Pakistan ah tlanglawng pakhat cungcawi hlei a zawh lio ah ralkap 100 hrawng umnak khan cu tilu luannak kahcham ah a tla sual i ralkap 17 nunnak a liam.

Punjab ramkulh, Wazirabad pawng cungcawi hlei I tlanglawng a ping i a pial ruahmah hi hlei thatlo ruangah a si tiah, ralkap pakhat nih a chim.

Frace nitlaklei ram biaceih zung nih, 1989 in 2000 kar chungah a ngeihmi naute bawhkeuh 8 a thahmi ruangah, kum 9 chung thonginn ah um dingin biachahpiak a si.

Dominique Cottrez, 51 hi kum 18 chung thongdan pek hi ai awm ko tiah, Douai khuapi hna lebang ahcun taza an cuai.
Sinain Cottrez hi hawi lungthin a can lomi a si tikah mwhphorh awk cu a silo tiah amah tanh in a dirpi zong cu an um ve.

Tuan deuh zongah khan, Cottrez hi Lille pawngah a ngeihmi a fale hna zong a thlite in an hngawng a dih hna i a rak thah hna mi kongah sualphuannak a rak ngei bal cang.

India ram West Bengal ramthen chung i a ummi Darjeeling ah mincim ruangah minung nunnak 36 tluk a liam i minung 12 hrawng an tlau tiah the times of India nih a tial.

Istanbul: Turkey nih sianginn cacawng sianghngakchia pawl cu Facebook, Twitter le a dangdang media ah siseh nan hmantlak le nan lungduhbia maw, cun nan ba-woh heiti hna tholh le tar nan hmang lai lo ti’n an thlauh/kham hna tiah, thawngzamhtu hna nih tuchun ah an zamh.

Hi kong hi, zung riantuan hna hnatlaknak he July 1 ah, Education Ministry nih a thlenmi a si tiah, Gogan news nihcun a tial.

Cachimtu saya/ma te hnatlakpinak tello in le theihpinak tello in hmanthlak le video hna pawl phun paohpaoh cu sianginn chung hrimhrim ah ceih le chim zong an senh hna lo.

Manila: Thilri le minung a thiartu tilawng, minung 189 a phormi cu cawnnili ni ah a let ruangmang I minung 118 hna nih luatnak an hmuh lio ah, a dang minung 36 nunnak a liam tiah, palik hna le chanchuah khawhnak dingah teiman thlumi hna nih an chim.

Mah tilawng chungah riantuanmi hi, minung 16 an si I, a citmi minung hi 173 an si tiah, palik nih an chim.

Hiti thil a hung can tikah, tilawng dang 7 hna nih an hun zuanhnawh hna chanhkhawh mual cu an hun chanhmanh hna.

Kim Nirvana tilawng hi Ormoc khuapi in Camotes rili lei a kalpah ah a si tiah, Manila zung riantlai nih a chim.

Philippines ram ahhin tukum lawng silo in kum chiar te tiawk in, hi bantuk eksidenhnak hin minung a paammi le a lotlaumi hi an um pah lengmang.

The Chin Star A Rel Liomi

We have 68 guests and no members online

Weather

Washington United States Mostly Cloud (day), 75 °F
Current Conditions
Sunrise: 5:46 am   |   Sunset: 8:34 pm
76%     0.0 mph     1.021 bar
Forecast
Sun Low: 72 °F High: 87 °F
Mon Low: 72 °F High: 84 °F
Tue Low: 75 °F High: 92 °F
Wed Low: 73 °F High: 89 °F
Thu Low: 74 °F High: 87 °F
Advertisement

Top Stories

Grid List

Manchester United winger Nani cu Turkish club Fenerbahce ah thial dingin 6 million Euro in hnatlaknak an ngei cang tiah BBC nih a phuan.

Kum 28 a simi Nani cu Portugal ram ai-awh in celhtu pakhat a si i 2007 kum ah Sporting Lisbon club in Man U a rak phan.

Kan hnu kum chuih caan cu Portuguese club ah loan in a chuih i Kawl 11 a kawl.

Ceihhmainak cu a kal cuahmah lio a si ko. Tu zarh zarhpi ni ah ngandamnak lei cheknak a ngei lai tiah Fenerbahce nih an chim.

Nani cu Man U a um lio ah Premier League buanconak voi a lakpi hna pinah Champions League voi khat buan a copi hna.

2013 September ah Man U um dingah kum 5 ca min a rak thut.

Myanmar rap hlasak minthang le hlaphan thiam Yelay cu kum 2 chung ai dinh hnu ah a hlaphel 7 nak cu 12th July ni ah tlangzarhnak a ngei lai, Myanmar Celebrity.

Hi a hlaphel cu "Naut Ta Khauk" or "One More Time" tiah min a pek. Tlangzarhnak cu Junction Square shopping mall, Yangon ah tuah a timh.

July 1 ni, Orchid Hotel, Yangon ah a hlaphel chuah ding he pehtlai in thawnglaknak Ye Lay nih a tuah.

Ye Lay cu Sai Sai he Myanmar ram ah rap halsak ah minthang bik an si.

Ye Lay nih tu lio Myanmar ram daihnak ah hruaitu bik U Aung Min fanu a thit.

Advertisement / The Chin Star

Advertisement